Plantun de Prouvènço

Pèr coumpara dos planto d'encò nostre

Erysimum rhaeticum & Ostrya carpinifolia

Erysimum rhaeticum

Brassicaceae Cruciferae

Noms en français : Vélar de Suisse, Vélar des Alpes rhétiques.

Descripcioun :
Aquesto girouflèio trachis dins lis roucaio, roucas e esboudèu de mountagno. Sèmblo proun à-n-aquesto de Prouvènço, Erysimum nevadense. Pamens si petalo soun mai larjo (5 à 10 mm alor que Erysimum nevadense fan pas mai que 5 mm en generau) e fai peréu de rejit esterlo à la flouresoun qu'es uno planto renadivo. E tambèn s'atrobo mai aut en mountagno (1000 à 1700 m). Coumpara emé la girouflèio-de-Prouvènço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 70 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Erysimum
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 12 à 20 mm
Flourido : Printèms - Estiéu

Sòu : Ca
Autour basso e auto : 400 à 2200 m
Aparado : Noun
Mai à avoust

Liò : Roucas - Roucas - Roucaio - Esboudèu
Estànci : Subremediterran à Subaupen
Couroulougi : Ouroufito aupenco
Ref. sc. : Erysimum rhaeticum (Schleich. ex Hornem.) DC., 1821

Caupre(-óubloun)

Ostrya carpinifolia

Betulaceae

Nom en français : Charme-houblon.

Descripcioun :
Lou caupre-óubloun èi coumun soulamen dins lis Aup marino, alor que dins lou soubre de Prouvènço es un aubre rare. Se recounèis eisa quouro es en fru que soun enflourejado douno d'èr à la d'óubloun. Li fueio, éli, sèmblon à-n-aquésti dóu caupre, Carpinus betulus.
Usanço :
Aleva d'èstre planta dins li pargue, couneissèn pas d'usanço particuliero pèr aquest aubre.